2009-10-12

Aparkaleku bakarra libre

Atzo labirinto baten barrunbeetan sartuta ibili nintzan.

Donostian.

Aspaldi kotxez bertara jun gabe, ohi bezela Boulebarreko parkinean aparkatzea zan nere asmoa, baina laranjaz jantztiako udaltzain batzuk, labirintoaren irteera, hau da, nere kotxea aparkatzea eta bertatik irtetzea galerazi zidaten.

Preso nere kotxearen barruan, Donostian bueltak eta bueltak ematen.

Boulebarreko parkinean, Okendokoan, Buenpastorrenean, Fnac-eko hortan… Bakoitzean, udaltzain laranja pare bat, aurrera segitzeko aginduak ematen – parking guztiak beteta zeudelako-. Neri, eta Donostiako kaleetako errepideak erabat betetzen zituzten berrehun mila kotxeen gidariei.

Batere klaustrofobikoa ez dan hau, klaustrofobiko sentitzen hasi zan, eta ihes egin nuen Donostiako beste puntaraino estuasunak hartuta.

Bat.

Aparkaleku BAT aurkitu nuen libre Donostia guztian: Haize orraziaren inguruan.

Ea ba, goazemazu olatuak ikustera…



Bare bare zegoen itsasoa. Ohizko espektakulurik ez… Gu iritsi ginenean.

Han azaldu ziren. Argazkilaria, eta ezkon berriak.



Esan beharrik ez dago, espektakularra izan zala hauen etorrera eta ibilera. Haize orrazia jendez gainezka, eta begi guztiak, nola ez ba, haiei begira.

Argazkilaria, senar ezkonberriari erreguka, harkaitzetan gora juteko, eta klaro, argazki hoiek betirako gordetzen baitira, egongelako pareta nagusian haundi haundi… Argazkilariari kaso egin behar zaio.






Publikoa, banatuta. Danak erreguka. Erdiak gizona eror ez zedin erregutuz, eta beste erdia hankaz gora eror zedin errezatuz. Ni, guztia jasotzen, notario.

- Hop, ai!

Estropezu egin zuen bai, bi aldiz.

- Uffffffff… Ez da erori, eskerrak. – bihotzonekoak -

- Ooooooo… Ez da erori, ze pena. – maltzur halakoak -

Ezkonbizitzaren bide malkartsuan izango dituzten estropuz ugarien abixua.
Seinale bat.

Baina tira, momentu txarrak etorri bitartean, guapo-guapo jarrita, goza dezagun pixka bat.




____


Sorginen bat ere bazebilen han nunbait…

Esan bezela, itsasoa bare-bare, alpertuta zeharo. Inolako asmorik gabe Haize orraziko zuloetan gora haizea bidaltzeko.

Ba… Jarri ziren hiru neska turista bertako zuloegi begira, eta, bapatean, hola, zeharo ezustean danontzako, FUUUUUUUUUU!!!!! Haizea goruntz indar haundiz!

Haiek hartu zuten sustoa...

Nik egin nituen algarak!

Donostian aparkaleku bakarra libre, eta nere zortea huraxe, han tokatzea.

____

Sem comentários:

Enviar um comentário