2009-11-27

Danok egiten degu gezurra

Atzo irriparre gurpildun bat somatu nuen nere aurrean. Zein da?

Aiba! Gorka! Gorka Salmeron!



Kotxez zijoan bera, eta neu berriz nere bi hanken gainean. Geratu egin zan momentu batez nere ondoan, eta bapatean irratiz esan zituen haietaz gogoratu nintzen, eta braust, bota nion:

- Gorka! Entzun nizun aurrekoan irratian, eta izugarri gustatu zitzaidan esan zenuena…

- A bai? – harrituta, irriparrea oraindik lagun - Zer esan nuen ba?

Kotxe mordo bat zituen bultzaka, han abiatu zan, nik piztutako jakin-mina itzaldu gabe. Hurrengo batean kontatuko diot, ikusten dedanean, baina bitartean, hementxe botako ditut, gainerantzeko bi hankako guztientzat ere:

Euskadi Irratiko Mezularian:


Felipek:

- XIX. Mendeko kamara haundiekin egindako erretratoak: eta zergaitik hori?

Gorkak:

- Gaur egungo kamarak dira, baina lana egiteko era, garai hartakoa bezelakoa. Nik beti aldarrikatzen det prozesua. Ez da soilik emaitza, baizik eta gauzak egiten ere disfrutatu egin behar da, gauzak maitasunez egin behar dira. Ez da bakarrik gauza bat burutu, egin eta emaitza atera, baizik eta bidean zehar ere, bide hori disfrutatzea. Ni gustora ibiltzen naiz horrela lan eginez, lasai, motel, eta emaitzak desberdinak dira…


Maiderrek:

- Ze ikus daiteke zure argazkietan? Ze erretratatzen dezu zuk?

- nere ingurunea, auzoko jendea, familiakoak. Askok esan izan ohi dute, argazkilari baten erretratuak, bere erretratuak, alegia, bere autoerretratuak direla.

Felipek:

- Eta Photoshoparen inguruan, tranpa egiten bada, esan egin behar da?

Gorkak:

- Nik egiten dudana ere tranpa da. Azken finean, erremintak, bakoitzak erabiltzen ditu dakien moduan, eta danok egiten degu tranpa. Nahiz eta danok erreminta berdina erabili, ez degu emaitza bera lortuko. Azken finean bakoitzak bere begirada dauka, eta gauzak era batean edo bestean azaltzen ditu edo ikusten ditu. Horregatik, diot, beti tranpa txikiak daudela hor. Argazkiak nahikoa objetiboak dirudite, baina azken finean danok gezurra egiten degu.

...

Ze interesgarria…

Segituan akordatu nintzen ni, beste erreminta batekin. Danok erabiltzen deguna, eta Gorkak esandakoa primeran datorkiona.

Hartu segundu batzuk pentsatzeko zein dan, eta ondoren, botoiaren gainean egin klik…



derecha







_____


Mezularian egin zioten elkarrizketaren audioa, hemen.

Sem comentários:

Enviar um comentário