2009-11-20

Nire blogaren helbide elektronikoa da...

Gaur Donostiara kotxez jutea tokatu zait. Zenbat gozatu dedan...

Irratian, goizero bezela Faktorian...





Manu Etxezortu eta konpainia, eta gaurko zeukaten menua, zapore haundikoa, gastronomikoa kasi.

Oroimenean oso oso zokoan ahaztuta neukan gauza bat ekarri didate! Esnezopak! Baina nik jaten nituen bezela, azukre mordo-mordo-mordo batekin. Nola leike baina nere burmuinak hainbeste azukre ahaztea??

Eta alua izendatzeko modu desberdinak ere ekarri dituzte. Beste batzuren artean, neri gehien gustatu zaizkidanak: tximeleta, txipiroia, pikua…

Eta izendapen paregabea, Bermion erabiltzen duten hauxe: hojabiko librú!

Esan bezela, oso jangarria ;-)

Eta beste gai oso interesgarri batzuk ere ekarri dituzte, hala nola, estokolmoko sindromea: zure maltratatzailearekin ondo etortzea bizirauteko estrategia gisa….

Baina, danetan onen-onena gaurko saioan, malkoa atera-arazi didana, Iñigo Esnaolari egindako elkarrizketaren azken minutua.

Kutsadura elektromagnetikoaz aritu da Iñigo Esnaola, oso egoki, eta neurri haundiz: ikerketa zientifikoek uhin elektromagnetikoek eragin ditzaketen kalteak guztiz argitu aurretik (bere ustetan nahikoa garbi dagoen gauza bat), zuhurrak izatea gomendatu digu.

(Inprudente honek, nola ez du ba gogoan hartuko prudentziarako gomendioa!)

Hemen alkarrizketa osoa:

Azken minutu horretara etorriz ordea: esan du Iñigok, datuekin ez zituela entzuleak mareatu nahi, eta hobe zutela beren erakundearen blogera jutea, eta helbidea eman du:

Tira, zuek entzutea onena:
















Nere lagun batek, epaitegi batean transkribatzaile gisa hogei urtez lanean dabilen batek hotsegin dit, eta esan dit laurdena jasotzeko gai bakarrik izan dala, eta oso pozik dagoela ;-)

Tira, plataforma honen trikimailu publizitario bat ere izan daiteke, hain aldrebesa dan izenburu bat ipintzea, bai plataforma berari, bai beronen blogari, izan ere, beste Iñigo batek, Iñigo Fernandez Ostolaza publizistak ondo dioen bezela, “irripartxoa ateratzen baldin badidazu, begi onez hartuko zaitut. Eta saritu ere egingo zaitut agian.”

Ni pixkat irabazi naute behintzat. Badaezpadaere badaezpadaere, hemendik aurrera, gauez sakelakoa itzaltzera noa. A! Eta ez naiz geratuko tonto-tonto mikro-uhinaren pantailari begira, telebistaren pantailari bezela! ;-)

____

Sem comentários:

Enviar um comentário