2009-11-04

Politikarien ahalmen miragarri bat

Buruan aspaldi nerabilen galdera zan: politikariek; nola egiten dute logurea beren baitatik uxatzeko? Oso oso gutxitan harrapatuko dezu politikari bat legebiltzareran ahozabalka...

Egin gogeltxo sarean. Ez dezu aurkituko Rajoyren irudirik logurez. Zapatero aharrausika? Bai zera. Honuntzago etorri: Lopez? Urkulu? Basagoiti? Ezenarro? Egibar? Ez ba.

Fenomeno guztiz harrigarria.

Zeinek ez du gau txar bat pasa? Zeinek ez du komeni baino gutxiago lo egin, mila arrazoirengatik? Umeak gaixo, emaztea sutan, goiko bizilagunak festan, haizea firin-faran, hagineko mina teman, kontzientzia hoska, hazienda koska; hotza, beroa, franelazko izarak, eguerdiko tripakiak…

Biharamonean, lanera jun, eta ezin betazalak goian eutsi. Sekulako ahaleginak lo ez geratzeko. Ahozabalka goiz guztian…

Ba politikariak, ez. Ez dira mundu honetakoak. Edo hala uste nuen nik behintzat… Azalpen guztiz sinisgarri honekin topo egin nuen arte.


IZURDEAK ETA BALEAK




Misterio hutsa dirudiena: nola egin dezakete lo baleek eta izurdeek ito gabe?

Zientzia.net

Izurdeak eta baleak lo daudenean, garunaren hemisferio bat eta honen kontrako aldeko begia izaten dituzte lo. Horrela, esna dagoen garun-erdiak arnasketa kontrolatzen du eta irekita dagoen begiak arriskuak ikusten ditu. Egoera hau bi ordu oro aldatzen da. Hau da, bi orduz garuneko ezker-hemisferioa eta eskuineko begia egongo dira lo, eta hurrengo bi orduetan, garuneko eskuin-hemisferioa eta ezkerreko begia.

Alajaina, burmuinaren bi zatiak txandaka erabiltzen dituzte!

Politikariak bezela!! Klaro ba!

Gai dira beren burmuin erdiaz esnatu itxura lortzeko, beste erdia lotan duten bitartean!

Zer? Eszeptikoak bufaka? Bai ala?

Ez alde egin hain bizkor! Ikustazue bideo argigarri hau:

Giulio Andreotti in action



Ta? Orain zer? Bada, edo ez da sinisgarria, nere teoria?

Politikari askok esaten duten hainbat eta hainbat gauza lotan duten burmuin zatia erabiliz esaten dutela ahaztu gabe, jakina. Horra, nere teoriaren bigarren pisuzko arrazoia. Giulioren bideoarena berarena baino pisuzkoagoa.

_____

Sem comentários:

Enviar um comentário