2011-10-18

Zapelatza eta sugea

Badira komunikatzaile bikainak, esan nahi dutena modu zoragarrian adierazten dutenak, zapelatza bezain zuzen, zure arretaren erdigunera zast! Iristen direnak.





Eta beste batzuk badira, hauek bezain artistak, hain justu kontrakoa lortzen dutenak: ezer esan gabe zerbait esan dutela sinistaraztea, mezuaren hartzailea sugeak txoria bezela zorabiaraziz.


@JKLakastak erakutsi zigun atzo, bigarren komunikatzaile klase honen adibide paregabea.





Galdera zuzena egiten diote: aizu Yolanda, politikari baino, unibertsitatean gehiago irabaziko zenuela bota zenuen, baina dietekin irabazten dezuna kontatzea ahaztu zitzaizun!

Eta Yolanda, sugetzarra bezela kiribiltzen da entzulearen inguruan, sorgintzen du hau bere miztoaren dardarizo ikusgarriaz; eta geratzen da, entzule txoria, zeharo aseta, sugearentzako harrapakin bat baino ez dala zeharo ahaztuta.


Ai...



derecha








Artista emakumea.


_______


Bai, garrantzitsua da, oso, ze hitz erabiltzen diren, kopurua, zentzua, eta intentzioa.

Nere adixkide batena kontatu didate, gaur arratsaldean, mundiala:

Gizona ITVa pasatzera jun da. Kotxea ondo zegoen, eta eman diote, kristalean ipintzeko pegatina.

Bera holakoxea baita, oso bere baitakoa, bere paretik pasa dan bati zuzendu zaio, bera ere zapelatza bezain zuzen, eta galdetu dio:

- ¿Tienes uñas?

Beste edozeinek, lehenengo azaldu egingo zion arazoa, aizu, - arratsaldeon - , begira, arazo bat daukat: hatzazalak jaten ditut eta hemendik bi hilabetera arte, nahita ere, ezingo nioke pegatina honi papera kendu, egingo didazu faborea, kenduko didazu zuk papera?

Nere adixkideak ez. Zuzen gizona.

- ¿Tienes uñas?

Pentsatu nahi det eskaera jaso duena ez zala mutu geratuko, eta galdetuko ziola zertara zetorren galdera, eta nere adixkideak esango ziola; baina galdera entzutean bere aurpegia imajinatzen det… Eta parrez lehertzen naiz.

Aizue, hemen bakoitzak, komunikatzeko bere estrategiak dauzkala.

____

Sem comentários:

Enviar um comentário