Aste honetako albiste izarra izan da: lehen zelula artifiziala sortu dute.
Espero zitekeen bezela, mundu osoan zehar zabaldu da, luze bezain zabal, kezka pisutsu bat. Atzera ere, aspaldiko galdera hura:
“Gai izango ote da gizakia berak sortutako teknologia mendean hartzeko? Ala bera baino gehiago izango da?”
Enigma potoloa. Ez diezagula kezka horrek estali ordea, aste honetakoa bezelako aurrerapausuek dakarkiguten esperantza.
Nere ingurura begiratuta oraintxe bertan: pozez zoratzen ikusten ditut azken urteotako zientzia-aurrerapenei esker nere aldamenean ditudan batzuk, bestela seguruasko egongo ez liratekeenak:
Aitari bihotza arreglatu zioten duela bost urte, eta hor dabil aurrera-atzera.
Hain urrutira jun gabe, gogoratzen nere lagun Bere, gibela aldatu zioten hura?
____
2010-05-23
2010-05-22
Hitzak bilduko banitu...
Penaz eta dolorez, TDTak Disney Channel ekarri zuen gure etxera, eta halaxe sufritu behar izan ditut harrez geroztik makina bat telesaio amorragarri; baina gaur pelikula bikain bat ikustea tokatu da: Babe txerritxoa. Bikaina benetan.
Filmearen kantu nagusia, irish pieza bat, reagge ikutu honekin, - bideoa bera ere delicatessen hutsa - zoragarri geratzen dana.
"If i ever had words to make a day for you..."
Filmearen kantu nagusia, irish pieza bat, reagge ikutu honekin, - bideoa bera ere delicatessen hutsa - zoragarri geratzen dana.
"If i ever had words to make a day for you..."
Satelitea eta ni
Esan izan balidate orain dala urte batzuk, nere ibilerak satelite batek jasoko zituela, eta bidali egingo zizkidala bueltan, etxean zehatz-mehatz estudiatzeko moduan, parre algara galanta botako nuen.
Farola baten argipean
Ordenagailuan zoko galdu batean aurkitzen diren batzuk: Sitgesen aurten, kale-artista bat kitarra jotzen.
2010-05-21
2010-05-19
Maiteminaren inguruan
Film honetan nere burua nahikoa ondo ikusi det islatuta. Neu ere halakoxea izan nintzen gaztetan: erabat gaixo, maiteminak zeharo aldrebestuta, eta zeharo inutila ezertan saiatzeko garaian.
Beste faktore batean ere bai: ahizpa guztietan – emakume guztietan – gizonari - neri - xarmangarrienarengana jun behar begiak...
Batere harritzekoa ez dana, izan ere, badira emakume batzuk – gizon batzuk badiren bezela -, izugarrizko edertasunaren jabe direnak. Behin ikusita bakarrik zeharo sorgintzen zaituztenak. Hanka puntetatik ile puntetaraino aztoratzen zaituztenak. Zutaz zeharo jabetzen direnak…
Baina azken finean, maitemintze sakon eta gaixogarri hori, ilusio bat baino ez da.
Beste faktore batean ere bai: ahizpa guztietan – emakume guztietan – gizonari - neri - xarmangarrienarengana jun behar begiak...
Batere harritzekoa ez dana, izan ere, badira emakume batzuk – gizon batzuk badiren bezela -, izugarrizko edertasunaren jabe direnak. Behin ikusita bakarrik zeharo sorgintzen zaituztenak. Hanka puntetatik ile puntetaraino aztoratzen zaituztenak. Zutaz zeharo jabetzen direnak…
Baina azken finean, maitemintze sakon eta gaixogarri hori, ilusio bat baino ez da.
Hura, “bat, eta bakarra”, da zure ustea; baina zuk bete dezun edukiontzia baino ez da. Izan zitekeen bera, edo izan zitekeen beste bat, beste momentu batean…
Ezta?
Beste kontu bat da, azala alde batera utzita, edo azalarekin batera, barruak sorgintzen zaituenean. Hor bai izan leike “bat, eta bakarra”. Beste inork haren hutsunea ezin betetzeko moduan.
____
Ezta?
Beste kontu bat da, azala alde batera utzita, edo azalarekin batera, barruak sorgintzen zaituenean. Hor bai izan leike “bat, eta bakarra”. Beste inork haren hutsunea ezin betetzeko moduan.
Holakorik tokatu ezkero, eta alkarrekikoa danean, orduan bai ederra.
____
Atzera burua galtzeari buruz, maitemintzeari buruz; droga zoragarri hori berriz ere nere baitan bete-betean sentitzeari buruz… Uste det neri arroza pasa zaidala, baina batek daki. Eduard Punsetek esaten baitu, zahartzearekin bat datorren- degenerazio neuronalaren albo-kalte bat izan daitekeela…
Eta nik, momentuz behintzat, esango nuke, nere neuronak oso osasuntsu ditudala.
;-)
____
Eta nik, momentuz behintzat, esango nuke, nere neuronak oso osasuntsu ditudala.
;-)
____
2010-05-18
Eguzkia atera du
Pelikula moñoñoen zalea naiz. Sutan ere jartzen naute, aldian behin, baina batek ez baitu bestea kentzen, ni hunkitzea lortzen dute gehienetan.
Aurrekoan ezustean egin nuen topo horrelako ale moñoño batekin, pelikula erromantiko batekin. Haria guztiz biguna izan arren, beste perla batzuk, sekulako perlak antzeman nizkiona, eta benetan gozarazi zidana.
Pride and prejuice
Txoratu egin ninduena.
Edonola ere, ez dakit guztiz berea dan nere atentzioan diana egin izanaren meritua, izan ere, Estitxu Fernandezen antza hartu bainion momentu askotan; eta antza ere bazuen hari begira sentitu nuenak, jun dan astean Gaur Eguneko kirol atalari begira, Estitxuri begira sentitu nuenarekin…
Aurrekoan ezustean egin nuen topo horrelako ale moñoño batekin, pelikula erromantiko batekin. Haria guztiz biguna izan arren, beste perla batzuk, sekulako perlak antzeman nizkiona, eta benetan gozarazi zidana.
Pride and prejuice
Txoratu egin ninduena.
Edonola ere, ez dakit guztiz berea dan nere atentzioan diana egin izanaren meritua, izan ere, Estitxu Fernandezen antza hartu bainion momentu askotan; eta antza ere bazuen hari begira sentitu nuenak, jun dan astean Gaur Eguneko kirol atalari begira, Estitxuri begira sentitu nuenarekin…
Gorriz jantzita batean, bere begien kolore bera zuen kamiseta bolantedun batez hurrengo egunean…
….
Bai, bai… Baina… Hainbeste euri-egunen ondoren, eguzkia atera du eta, zertaz nahi zenuten idaztea? ;-)
_____
….
Bai, bai… Baina… Hainbeste euri-egunen ondoren, eguzkia atera du eta, zertaz nahi zenuten idaztea? ;-)
_____
2010-05-14
Ez da igoko erreala
Nere lagun Joxeanekin apustuak egiteko ohitura daukat, baita ia danak galtzeko ere. Asko arriskatzeko joera daukat eta. Baina baietz irabazi egin diodan azkena, hau da, ez dala igoko erreala lehenengo mailara:
Euskadi Irratiko Faktorian gaur goizean entzuna: Errealaren entrenatzaileak, Martin Lasartek, kantu bat ipini behar diela jokalariei partiden aurretik, Guardiolak Bartzelonakoei ipini ohi dien gisara...
Zein izango eta... Lau teilatu! Amaia Montero eta Mikel Erentxuren bertsioa!!!
____
Euskadi Irratiko Faktorian gaur goizean entzuna: Errealaren entrenatzaileak, Martin Lasartek, kantu bat ipini behar diela jokalariei partiden aurretik, Guardiolak Bartzelonakoei ipini ohi dien gisara...
Zein izango eta... Lau teilatu! Amaia Montero eta Mikel Erentxuren bertsioa!!!
____
Lehendakariaren zoritxarra
Gizarajoa gure lehendakaria. Ez al diozue somatu? Urduritzen hasia da…
Ez esan neri zorte txarra izan ez duenik. Behin herri eznormal hau normaltzeko lana hartu, ilusioz hartu ere, eta krisia gainera etorri ez zaio ba!
Pentsaizue kalean geratzen bada, a ze panorama:
Biziarteko soldata finko batekin bakarrik, bizi al daiteke pertsona???
(Zertaz ari naizen ulertu ez badidazue, xagua bere gainera eraman, ideiak pixkabat argitze aldera)
____
Ez esan neri zorte txarra izan ez duenik. Behin herri eznormal hau normaltzeko lana hartu, ilusioz hartu ere, eta krisia gainera etorri ez zaio ba!
Pentsaizue kalean geratzen bada, a ze panorama:
Biziarteko soldata finko batekin bakarrik, bizi al daiteke pertsona???
(Zertaz ari naizen ulertu ez badidazue, xagua bere gainera eraman, ideiak pixkabat argitze aldera)
____
2010-05-11
Pediatrarenean solasean
Gaur ume txiki zoragarri batekin egin det topo, pediatrarenean. Ez genuen alkar ezagutzen. Bere kezka txikia zeukala esan dit haren amak, ikastolara berandu iritsi behar zuelako, eta nik lasai egoteko esan diot. Gaur ikastola guztiak itxita daudela, danak ardiz beteta daudelako. Ikastolak ardiz beteta, eta andereñoak teilatu gainean. Zergaitik eta, otsoa mendian behera etorrita zegoelako…
Umea parrezka hasi da, ni serio-serio ikusita ere, parrezka... Baina, aspalditik ezagutzen baitet ume txikien pentsaera (hain xelebrea), banekien ume txiki hori, gaur arratsaldean ikastolara iritsitakoan, teilatu gainera begiratu behar zuela, lehenbiziko gauza; eta ikastolako atetik sartu orduko ere, ez zala oso lasai egongo, ardiren bat iskinen batetik noiz azalduko…
Beraz, zera gaineratu det pittin bat beranduxeago: lasai egoteko, otsoa menditik jetsita zegoela, bai, baina motorrean ibiltzeko. Astearte eta ostegunetan tokatzen dala, eta gaur asteartea dala. Beraz, gaur behintzat lasai egoteko.
Halaxe da ta! Otsoak motorrean ibiltzen dira astearte eta ostegunetan. Otsoak motorrean, eta oiloak trizikloan. Ume txiki honek ez omen ditu inoiz ikusi. Ea Ezkioko festetara igo al dan, eta ezetz. Ze pena! erantzun diot nik, laisterketa bat egon dalako. Ezkioko Triziklo gaineko Igo Oilo txapelketa.
Oilarrak irabazi duena, noski, zango luzeenak berak dituelako…
______
Umea parrezka hasi da, ni serio-serio ikusita ere, parrezka... Baina, aspalditik ezagutzen baitet ume txikien pentsaera (hain xelebrea), banekien ume txiki hori, gaur arratsaldean ikastolara iritsitakoan, teilatu gainera begiratu behar zuela, lehenbiziko gauza; eta ikastolako atetik sartu orduko ere, ez zala oso lasai egongo, ardiren bat iskinen batetik noiz azalduko…
Beraz, zera gaineratu det pittin bat beranduxeago: lasai egoteko, otsoa menditik jetsita zegoela, bai, baina motorrean ibiltzeko. Astearte eta ostegunetan tokatzen dala, eta gaur asteartea dala. Beraz, gaur behintzat lasai egoteko.
Halaxe da ta! Otsoak motorrean ibiltzen dira astearte eta ostegunetan. Otsoak motorrean, eta oiloak trizikloan. Ume txiki honek ez omen ditu inoiz ikusi. Ea Ezkioko festetara igo al dan, eta ezetz. Ze pena! erantzun diot nik, laisterketa bat egon dalako. Ezkioko Triziklo gaineko Igo Oilo txapelketa.
Oilarrak irabazi duena, noski, zango luzeenak berak dituelako…
______
Telezaborraren alde
Aurrekoan indarkeriari buruz aritu ziren telebistan, ez dakit ze saiotan. Nik tartetxo bat baino ez nuen harrapatu, baina bat etorri nintzen erabat hizketan ari zan antropologoarekin. Gertakizun larri baten aurrean, bapatean jende-talde haundi batek burua zergaitik galtzen duen aztertzen ari ziren, eta zera esan zuen: gizakia berez dala izaki biolentoa, eta hain zuzen, biolentzia dala danetan gehien erreprimitzen duen instintoa.
Arraioa, egia da. Gizakiak badu nahikoa meritu gorputzak momentuoro eskatzen dionari eusten. Jakina beharrezkoa duela eustea, oihanean biziko baikinateke bestela. Baina bai daukat irudipena, gizakiak bai BEHAR duela noizik eta behin, bere lapiko expresaren presioa txikitzea, lehertuko ez bada.
Telezaborrak gure instinto txar hoiek azaleratzen ditu. Hipnotizatuta geratzen gera hainbat espektakulu biolentori begira. Gaizki esaka ari den jendea. Lehenago ez dakit zeinen askatasuna urratu duen norbaiten askatasun urraketa (dala intimitatea, edo ohorea, edo izen ona, edo…) . Odola mugitzen zaigu. Hasarratu egiten gera, edo segun zein dan momentu horretan jipoitua, poztu. Parre ere egiten degu galanki, hainbaten jokaera esperpentikoak ikusita… Zertarako ukatu, telezaborrari begira oso ondo pasatzen degu.
Bai, diotenez, telezaborra gehien ikusten dan lurraldean bizi gera; ez degu aitortzen telezaborra ikusten degunik, baina kontsumitzaile porrokatuak gera. Zeinek daki, zibilizatuenak geran seinale. Beste inork baino behar haundiagoa degu lapiko expressari presioa kentzen, zergaitik izango da.
Kontua da, gure behar hoiek asetzera, espainiarrak datozela. Gaztelera garbian. Orduak eta orduak ematen ditugu gazteleraren konpasean dantzan. Euskaldunok ez degu (apenas) telezaborrarik ekoizten eta.
Gauzak muturrera eraman gabe: ez naiz ni hona etorriko telezaborra ekoitzi behar degula defenditzera, baina bai aldarrikatzera, euskaldunok, kalitatezko produktuez gain, artea eta sentsibilitatea goratzen dituzten produktuez gain, gure mixeriak eta inperfekzioak erakutsiko dituzten saioak behar ditugula.
Terapia gisa, nola ez ba, eta, batek ez baitu bestea kentzen, zergaitik ez, pixkabat entretenitze aldera.
_________
Hau ere komeni da irakurtzea.
Eta Adurren irudi mundial hau, egongela guztietan jartzea ere komeni da. Bere neurrian dana.
____
Arraioa, egia da. Gizakiak badu nahikoa meritu gorputzak momentuoro eskatzen dionari eusten. Jakina beharrezkoa duela eustea, oihanean biziko baikinateke bestela. Baina bai daukat irudipena, gizakiak bai BEHAR duela noizik eta behin, bere lapiko expresaren presioa txikitzea, lehertuko ez bada.
Telezaborrak gure instinto txar hoiek azaleratzen ditu. Hipnotizatuta geratzen gera hainbat espektakulu biolentori begira. Gaizki esaka ari den jendea. Lehenago ez dakit zeinen askatasuna urratu duen norbaiten askatasun urraketa (dala intimitatea, edo ohorea, edo izen ona, edo…) . Odola mugitzen zaigu. Hasarratu egiten gera, edo segun zein dan momentu horretan jipoitua, poztu. Parre ere egiten degu galanki, hainbaten jokaera esperpentikoak ikusita… Zertarako ukatu, telezaborrari begira oso ondo pasatzen degu.
Bai, diotenez, telezaborra gehien ikusten dan lurraldean bizi gera; ez degu aitortzen telezaborra ikusten degunik, baina kontsumitzaile porrokatuak gera. Zeinek daki, zibilizatuenak geran seinale. Beste inork baino behar haundiagoa degu lapiko expressari presioa kentzen, zergaitik izango da.
Kontua da, gure behar hoiek asetzera, espainiarrak datozela. Gaztelera garbian. Orduak eta orduak ematen ditugu gazteleraren konpasean dantzan. Euskaldunok ez degu (apenas) telezaborrarik ekoizten eta.
Gauzak muturrera eraman gabe: ez naiz ni hona etorriko telezaborra ekoitzi behar degula defenditzera, baina bai aldarrikatzera, euskaldunok, kalitatezko produktuez gain, artea eta sentsibilitatea goratzen dituzten produktuez gain, gure mixeriak eta inperfekzioak erakutsiko dituzten saioak behar ditugula.
Terapia gisa, nola ez ba, eta, batek ez baitu bestea kentzen, zergaitik ez, pixkabat entretenitze aldera.
_________
Hau ere komeni da irakurtzea.
Eta Adurren irudi mundial hau, egongela guztietan jartzea ere komeni da. Bere neurrian dana.
____
2010-05-09
2010-05-06
Nola gustatzen zaizkidan traste hauek
Gurpildunak, eta zaratarik ateratzen ez dutenak. Bi ezaugarri hoiekin, ez dio hainbeste inporta ere zer diren...
____
Ondo daramat zahartzea
Jun dan egunean oso gauza bitxia gertatu zitzaidan.
Mesanotxeko lanparako bonbila erre zitzaidan. Armairuak eta kajoiak arakatu nituen ordezko baten bila, baina alperrik. Argirik ez, loak hartu aurreko irakurketa preziaturako.
Tira ba, linterna bat hartuko det. Ez da oso egokia izaten, eutsi egin behar baita, baina ezer ez baino hobea da.
Orain egun batzuk, Felliniren film batetik erauzia zirudien gizontxo bati erosi nizkion bi, dinamodunak, indarra eginez martxan jartzen diren hoietakoak. Ba haietako batekin. 3 led dituen linterna horixka bat, argi zuri-zuria dariona.
Behatz potoloaren eta erakuslearen arteko “mendi-lepoa” argitu zuten: bapatean, inoiz baino zimurrago ikusi nuen nere azal zati hori…
“Ametsetan nago?” Ez. Ez zan ametsa. Benetan zimur-zimurra ikusten nuen.
Zerorrek egin dezakezu proba. Argi ezazu zure azalaren zati bat linterna txiki batez gauean, eta momentu batez, zimur-zimur eginda ikusiko dezu zure azal zati argiztatu hori. Bapatean hogei urte zahartu bazina bezela.
- Hara… Hau datorkit gainera, ez dago atzera bueltarik... Asko falta da oraindik baina hementxe bertan dala ere senti dezaket orain, ilusio optiko edo danadalako honengatik…
Bai sentitu nuen atximur bat urdailean, baina egunero bezela-bezela lokartu nintzen.
Alajaina, ze ondo daramadan zahartzea.
Nere altxorra
Makina bat dira, bere kontu korrente potoloari begira pozik sentitzen direnak. Fama, edo boterearen jabe izanik, aberats sentitzen direnak. Nere harrotasuna, beste bat da: bizitzan zehar jasotako hamaika ikasgaik eman didaten segurtasuna, eman didaten lasaitasuna.
Jakitun ere banaiz, zortea lagun izan dedala.
Eta jakitun ere banaiz, segurtasun hau espejismo bat izan daitekeela: uste dezu helduleku on bat dezula, baina gauzak ez baitira askotan ematen dutena. Ezustekoen zakua ez da sekula husten; eta hamaika bizitza biziko bagenitu ere, orduan ere ez litzateke hustuko.
______
Mesanotxeko lanparako bonbila erre zitzaidan. Armairuak eta kajoiak arakatu nituen ordezko baten bila, baina alperrik. Argirik ez, loak hartu aurreko irakurketa preziaturako.
Tira ba, linterna bat hartuko det. Ez da oso egokia izaten, eutsi egin behar baita, baina ezer ez baino hobea da.
Orain egun batzuk, Felliniren film batetik erauzia zirudien gizontxo bati erosi nizkion bi, dinamodunak, indarra eginez martxan jartzen diren hoietakoak. Ba haietako batekin. 3 led dituen linterna horixka bat, argi zuri-zuria dariona.
Behatz potoloaren eta erakuslearen arteko “mendi-lepoa” argitu zuten: bapatean, inoiz baino zimurrago ikusi nuen nere azal zati hori…
“Ametsetan nago?” Ez. Ez zan ametsa. Benetan zimur-zimurra ikusten nuen.
Zerorrek egin dezakezu proba. Argi ezazu zure azalaren zati bat linterna txiki batez gauean, eta momentu batez, zimur-zimur eginda ikusiko dezu zure azal zati argiztatu hori. Bapatean hogei urte zahartu bazina bezela.
- Hara… Hau datorkit gainera, ez dago atzera bueltarik... Asko falta da oraindik baina hementxe bertan dala ere senti dezaket orain, ilusio optiko edo danadalako honengatik…
Bai sentitu nuen atximur bat urdailean, baina egunero bezela-bezela lokartu nintzen.
Alajaina, ze ondo daramadan zahartzea.
Nere altxorra
Makina bat dira, bere kontu korrente potoloari begira pozik sentitzen direnak. Fama, edo boterearen jabe izanik, aberats sentitzen direnak. Nere harrotasuna, beste bat da: bizitzan zehar jasotako hamaika ikasgaik eman didaten segurtasuna, eman didaten lasaitasuna.
Jakitun ere banaiz, zortea lagun izan dedala.
Eta jakitun ere banaiz, segurtasun hau espejismo bat izan daitekeela: uste dezu helduleku on bat dezula, baina gauzak ez baitira askotan ematen dutena. Ezustekoen zakua ez da sekula husten; eta hamaika bizitza biziko bagenitu ere, orduan ere ez litzateke hustuko.
______
2010-05-04
Nere helbide elektronikoa da...
"tiene unos minutos para atenderme?" Baietz nik, patxada ederrean gaur, etxean. Halako batean, han nun eskatzen didan neska adeitsuak, Madrid, Salamanca edo auskalo ze hiri espainiarretik aritu zaidan neska saiatuak, nere helbide elektronikoa. Ai! Hasi naiz imajinatzen gure elkarrizketa, "patxpitx" ¿cómo?" "Sí, patxpitx, patx, pitx... patx, pitx" "Pach, cómo ha dicho, Pich...? Hasi naiz parrezka, ta ez naiz atrebitu ematen azkenean. (Postaz bidaliko didatela harpidetzeko formularioa, halaxe bukatu da)
Nere helbide elektronikoa ez dala oso internazionalki funtzionala, gauzak diren bezela.
__
2010-05-02
Kortozirkuitu informatiboa
Arrazoi duenik ezin ziurtatu, baina bai ziurtatzen det, begiak platerak bezela jarri zaizkidala hau irakurtzean. Gorka Erostarbek elkarrizketa egin dio Kaki Arkarazori:
"Askotan gehiegi ikasteak ez du onurarik ekartzen, bakoitzari bere nortasuna jaten dio. Honi guztiari buelta asko eman dizkiot, eta erremediorik ez duela uste dut.
Zergatik?
Gazte jendeak izugarrizko kortozirkuitu informatiboa dauka. Txikitatik entzuten dute musika gehiegi. Guk lau gauza geneuzkan buruan, eta gure nortasunak zeukan eremu askoz ere zabalagoa zabaltzeko. Gazteek hainbeste gauza eta eragin posible dauzkate buruan, ez daukatela ezer esateko. Jotzen duten edozer gauzak zerbait gogorarazten die. Joan beharko lukete denek mendira eta 10 urtez egon ezer entzun gabe. Hor dago paradoxa bat, eta horrek ez dauka bueltarik. Internetek kristoren kaltea egiten dio sormenari, nahiz eta kontrakoa dirudien. Paradoxa beldurgarria da. "
"Askotan gehiegi ikasteak ez du onurarik ekartzen, bakoitzari bere nortasuna jaten dio. Honi guztiari buelta asko eman dizkiot, eta erremediorik ez duela uste dut.
Zergatik?
Gazte jendeak izugarrizko kortozirkuitu informatiboa dauka. Txikitatik entzuten dute musika gehiegi. Guk lau gauza geneuzkan buruan, eta gure nortasunak zeukan eremu askoz ere zabalagoa zabaltzeko. Gazteek hainbeste gauza eta eragin posible dauzkate buruan, ez daukatela ezer esateko. Jotzen duten edozer gauzak zerbait gogorarazten die. Joan beharko lukete denek mendira eta 10 urtez egon ezer entzun gabe. Hor dago paradoxa bat, eta horrek ez dauka bueltarik. Internetek kristoren kaltea egiten dio sormenari, nahiz eta kontrakoa dirudien. Paradoxa beldurgarria da. "
Bonba bat New Yorken
Adierazgarria da Manhattanen lehertzera iritsi ez dan bonba baten berria egunkarietako lehen albiste izatea. Edonola ere, nere neurosiarekin bat dator, Manhattanera bidaiatzea Annapurnara igotzea baino arriskutsuagoa iruditzen baitzait. Eta nere barruan pizten dan galdera da: zerk eragiten ote du nere neurosia?
Subscrever:
Mensagens (Atom)